စေတနာဆိုပါလား

တစ်နေ့တွင် ရွာထဲမှာ ရန်ဖြစ်သော ဒကာနှစ်ယောက်ကို ဆရာတော်ကခေါ်ပြီး ဆုံးမရာ  -  -  -  -

``ကဲ  ပြောစမ်း ၊  ဒကာတို့  ၊  ဘယ်လိုဖြစ်ကြတာလဲ  ၊ ကလေးတွေလဲမဟုတ်ဘဲ
ဒီလောက်အသိဥာဏ်နဲ့တဲ့လူတွေလုပ်တဲ့အလုပ်ကို
 ဘာလို့လုပ်ကြတာလဲ ´´   အကြီးဖြစ်သော တကာမှ စပြီး - -

``ဒီလိုပါဘုရား ၊ တပည့်တော်က သူ့ကိုစေတနာနဲ့ ပြောတာကို လက်မခံဘဲ သူ့ကိုဆရာလုပ်တယ်ဆိုပြီးဖြစ်ကြတာပါဘုရား´´
``တော်ပြီ  အဲလောက်ဆိုရပြီ ´´

``အင်း   လူတွေ  လူတွေ သုံးလိုက်ကြတဲ့ စေတနာ  ၊ ဟိုလူကဆိုလဲ စေတနာ ၊ ဒီလူကလဲ စေတနာ။
   အမယ်  ဆေးခန်းတွေတောင်မှ ဘာတဲ့  စေတနာဆေးခန်း ၊ စေတနာစတိုး တဲ့။
   စေတနာတိုင်း ကောင်းတာမှမဟုတ်တာ။

   အကုသိုလ်မှာလဲစေတနာ ပါရတယ်။ ကုသိုလ်မှာလဲ စေတနာပါရတယ်။ ဒါမှ ကံအထမြောက်တာကွ။

   ကောင်းတဲ့ဘက်မှာထားတဲ့ စေတနာကဘ၀ကို မြှင့်တင်ပေး ပေမဲ့ မကောင်းတဲ့ဘက်မှာကျတော့    သံသရာအတွက်  ကိုယ်ဘဲနစ်နာတယ်။

   အေး  စေတနာတိုင်းကုသိုလ်မဟုတ်ဘူးဆိုတာကိုတော့ သိထားရမယ်ကွ၊ ဟုတ်ပြီလား´´
``တင်းပါ့ဘုရား´´

``အေး  ၊ လူတွေဖြစ်နေတာက ကိုယ်နဲ့အမြင်မတူ  အယူအဆမတူရင် ၀င်ပြောလေ့ရှိတယ်။ ဒါကိုဘဲ စေတနာလိုလို ဘာလိုလိုနဲ့ပုံမှာလုပ်တတ်ကြတယ်။

တကယ်တော့ အဲဒါဟာ ကိုယ့်အတ္တကို အရင်းခံပြီးပြောနေတာဆိုတာ သူတို့သတိမထားမိကြဘူး။

အေး  ၀င်ပြောလို့ လက်မခံရင် ပြောကြပါသေးတယ် ၊ စေတနာက လူတိုင်းနဲ့မတန်ပါဘူးကွာတဲ့ ၊  

ဒီလိုနဲ့ စကားများကြ ရန်ဖြစ်ကြ ။  ဒကာတို့လဲ ဒီလိုက စတာမဟုတ်လား´´

``မှန်ပါဆရာတော်ဘုရား´´

``အေး  စေတနာနဲ့ပတ်သတ်ပြီးသေချာလေ့လာပါနော်  ဘုန်းဘုန်းပြောချင်တယ်၊ ကောင်းတဲ့စေတနာနဲ့ အရင်းခံပြီး လုပ်တာ ကိုင်တာ ပြောတာ ဆိုတာတွေက ပရဟိတဘက်ကို ဦးတည်နေပေမဲ့ မကောင်းတဲ့စေတနာနဲ့ဆိုရင် အတ္တဘက်ကို ဦးတည်သွားတတ်တယ်။
ဘုန်းဘုန်း အဓိကပြောချင်တာကတော့ စကားပြောတဲ့နေရာ ဆွေးနွေးတိုင်ပင်တဲ့နေရာ သတိထားစရာလေးတစ်ခုရှိတယ်။ ဒါဘုန်းဘုန်း တို့ ဆရာသမားများရဲ့သြ၀ါဒပေါ့´´
``မှန်ပါ အမိန့်ရှိပါဘုရား´´

``ပညာရှိတို့ရဲ့ ဆွေးနွေး တိုင်ပင်နည်းနဲ့ ၊ စစ်သူကြီးတိုရဲ့ ဆွေးနွေးတိုင်ပင်ခြင်းပေါ့´´
   ပညာရှိဆိုတာ တစ်ပါးသူက အကြောင်းအကျိုးဆီလျှော်အောင် တင်ပြပြောဆိုလာရင် လက်ခံတတ်တယ် ၊ အနိုင်အရှုံးကို စိတ်မ၀င်စားဘူး  ။  အေး   စစ်သူကြီးဆိုတာကတော့ တရားသည်
မတရားသည်သူနာမလည်ဘူး ၊     အကြောင်းတွေ အကျိုတွေ လာမပြောနဲ့ အနိုင်ရမှကျေနပ်တဲ့လူစားမျိုး တစ်နည်းပြောရင် အတ္တကိုရှေ့တန်းတင်တဲ့လူမျိူးပေါ့´´

``အေး   လောက လောက  စစ်သူကြီးလိုလူမျိုးတွေပေါလာရင်တော့ အတ္တသမားတွေကြီးစိုးလာတော့မယ် တကာတို့လဲသူတော်ကောင်းတရားတွေကိုလေ့လာကြ နာယူကြကွယ်။ သူတော်ကောင်းတွေ အထောင်အသိန်းမကရှိတဲ့နေရာကအေးချမ်းသလောက်အတ္တသမားများကတော့ တစ်ယောက်ထဲရှိလဲ လောကကြီးနဲ့ အမြဲတမ်း ရန်ဖြစ်နေကျကွ´´

``အေး  အေး   ၊ ဒကာတို့ပြန်ကြတော့  ကောင်းကောင်းနေကြဟေ့´´
``တင်းပါ့ဘုရား ၊ ကျေးဇူးကြီးလှပါတယ်ဘုရား´´

ရှုးမှန်းသိရင် ကောင်းနိုင်သေးတယ်

တစ်နေ့ -  -  - -  -
ရွာထဲတွင် အသုဘတစ်ခု ရှိသဖြင့် ဘုန်းကြီးပင့်ရန် ဒကာသုံးဦး ကျောင်းသို့ရောက်လာလေ၏။
ဆရာတော်ကိုတွေ့သောအခါ ဦးသုံးကြိမ်ချပြီး -  -  -  -
``ဆရာတော်ဘုရား ၊ တပည့်တော်တို့ ဘုန်းကြီးလာပင့်တာပါဘုရား ၊ နောက်ပြီး သိချင်တာလေးလဲ မေးခွင့်ပြုပါဘုရား´´
``ဒကာတို့က ဘာများသိချင်လို့လဲ´´
``မှန်ပါဆရာတော် ၊ အခု ဆုံးတဲ့ကလေးက အသက်က (၁၃)နှစ်ဘဲ ရှိပါသေးတယ်ဘုရား၊ တစ်ခါမှလဲ ကိုရင်မ၀တ်ဖူးပါဘုရား´´
``အဲတော့´´
``မိဘတွေက သေသွားတဲ့ သူ့သားလေးကို သင်္ကန်းဝတ်ပေးချင်လို့ပါတဲ့ဘုရား´´
``ဒကာတို့  ၊ ဘယ်လို    ၊ သေတဲ့လူကို သင်္ကန်းဝတ်ပေးမယ်ဟုတ်လား´´

``ဒီလိုပါဘုရား ၊ သေသူရဲ့ ဘေးနားမှာ ပရိက္ခရာလေးတွေထားလိုက်ရင် ဖြစ်တယ်လို့ ပြောကြလို့ပါ ဘုရား´´
``ဟာ  ၊  ဒီအရှုးတွေနဲ့တော့  ဒုက္ခပါဘဲ၊ ခင်ဗျာတို့ ထေရ၀ါဒနဲ့ ဆန့်ကျင်တဲ့အယူအဆတွေ ခုထိ လက်ကိုင်ထားတုန်းပါဘဲလား၊
   ဘုရားသာသနာဒီလောက်ထွန်းကားနေတာတောင် ဒါတွေကရှိနေသေးတယ်´´

``အေး  ၊  ဘုန်းကြီးပြောမယ်  ၊ သေချာနားထောင် ´´
``တင်းပါ့ ဘုရား ၊ အမိန့်ရှိပါဆရာတော်´´
``လွယ်လွယ်နဲ့သင်္ကန်းဝတ်လို့ရတယ်မထင်နဲ့ ကွ ၊ ဘုရားရှင်ကိုယ်တိုင်ကတောင်မှ ကိလေသာအာသဝေါကုန်ခန်းသွားတဲ့
   ရဟန္တာ အရှင်မြတ်ကြီး ဗာဟိယဒါရုစီရိယကိုတောင် သင်္ကန်းဝတ်ရမဲ့ကံမပါလို့ ၀တ်မပေးခဲ့ဘူး၊ ဒါ့ကြောင့်လူဝတ်နဲ့ ပျံ့တော်မူခဲ့ရတယ်။
   ဒီတော့ ရှင်ရဟန်းဝတ်တယ်ဆိုတာ အတိတ်ဘ၀က ဖြည့်ကျင့်ခဲ့တဲ့ပါရမီ ပြုလုပ်ခဲ့တဲ့ကံ လိုအပ်တယ်ဆိုတာ အရင်မှတ်ထား´´
``တင်ပါ့ဘုရား ´´

``အေး  ၊ မင်းတို့ပြောသလိုသာ လုပ်လို့ရရင် ဘုရားဟောခဲ့တဲ့ ` ရဟန်းအဖြစ်ကို ရခဲတယ်´ ဆိုတဲ့ ဒုလ္လဘငါးပါးတရားတော်ကို
   ပျက်ရယ်ပြုသလိုဖြစ်သွားမှာပေါ့ ၊ ဘုရားကို အားနာဘို့ကောင်းတယ်နော့်  တကာတို့´´
``မှန်ပါဆရာတော် ၊ အဲသလောက်ထိမသိလို့ပါဘုရား´´

``အေး  ၊  နောက်တစ်ခုက -  -  -  -  -

   ရှင်ပြုတယ်ဆိုတာ (၃) မျိုးရှိတယ်။

  (၁) ခေါင်းရိတ်တာရယ် ၊

  (၂) သင်္ကန်းဝတ်တာရယ် ၊

  (၃) သရဏဂုံသုံးပါးခံယူရွတ်ဆိုတာရယ် ၊

ဆိုပြီးသုံးမျိုးရှိတယ်။´´

``တင်းပါးဘုရား´´
``ကဲ  ၊ အဲသလိုဆို  သေသွားတဲ့သူက ဒီသုံးမျိုးထဲက ဘယ်ဟာကိုများတိတိကျကျ လုပ်နိုင်တာရှိလဲ ၊ ပြောစမ်း တကာတို့´´
``တစ်ခုမှ မရှိပါဘုရား´´
``ဒါဆို  သင်္ကန်းဝတ်လို့ရော  ၊ ဘာအကျိုးထူးလာမလဲ´´
``ဘာမှမထူးပါဘူး ဘုရား´´
``ဘာမှ အဓိပ္ပါယ်မရှိတာတွေလုပ်တာ ဘယ်သူတွေလဲ´´
``အရှုးတွေပါဘုရား´´

``အေး  ၊ ရှုးမှန်းသိရင် လူကောင်းဖြစ်နိုင်သေးတယ် ၊ ကြိုးစားကြ  ၊ ကဲ သွားကြတော့´´

ထိုနောက်ဆရာတော်သည် ရွာသူရွာသားများကို အားမရလေဟန်ဖြင့်   -  -  -  - တစ်ခုခုကို တွေးတောလျှက်   ။  ။  ။

သုံးယောက်နဲ့တစ်ယောက်

``ကျောင်းထိုင်ဆရာတော်လူထွက်သွားပြီ ´´ တဲ့။

ကြားလိုက်ရတဲ့သတင်းကြောင့် တစ်ရွာလုံးတုန်လှုပ်ချောက်ခြားသွားလေတော့၏။
ငိုသူတွေကငိုလို့  ကြေကွဲဝမ်းနည်းသူက ၀မ်းနည်းလို့ မတည်မြဲတဲ့ လောကသဘာဝကို ဥပေက္ခာပြုထားသူတွေ။
တကယ်တော့ ဘုန်းကြီးတစ်ပါး လူထွက်သွားတာဟာ ကိုးကွယ်သူများအတွက် ကမ္ဘာကြီးပျက်သလို မိုးပြိုသလို ဖြစ်ကောင်းဖြစ်ပေမဲ့
ကာယကံရှင်ကိုယ်တိုင်အတွက်တော့ သူရွေးချယ်တာမှန်တယ်လို့ဘဲ သဘောပိုက်ထားမည်လားမသိ။

ရပ်ထဲရွာထဲမှာတော့ ထိုလေးငါးရက်အတွင် တစ်ခြားသတင်းက ၀င်ရောက်မထိုးဖောက်နိုင်ချေ။
ဘာကြောင့်လူတွေ ဒီလောက်ဝမ်းနည်းနေကြသလဲ ။ စဉ်းစားမိပါသည်။
အော်  -  -  -  - သာသနာတော်ကို တန်ဘိုးထားလို့ပေါ့   -  - ဟုသာကောက်ချက်ပြုချင်ပါတော့သည်။

ဇာတ်လမ်းကားထိုမျှနှင့် မပြီးသေး။
လူဘ၀ရောက်ပြီဆိုတော့ လူသားသဘာဝ အိမ်ထောင်ပြု သားကျွေးမှု မယားကျွေးမှုတွေလဲရှိလာပြီလေ။
ဘ၀ကံအကျိုးပေးကောင်းချင်တော့ သားယောက်ျားလေး ၃ ယောက် သမီးလေး  ၁ ယောက်ဖြင့်လူ့ဘ၀ဇာတ်ခုံမှာ
လောကဓံကိုအံတုလို့ ပေါ့။

ပါရမီကောင်းတဲ့သားတွေလို့ဘဲ ပြောရမလား အဖေ့သွေးပါတယ်ဘဲဆိုရလေမလားမပြောတတ်ပါ။
သားသုံးယောက်လုံး သင်္ကန်းဝတ်လျှက်သာ စာပေများကိုသင်ကြားရင် နောက်ဆုံး ကျောင်းထိုင်ဆရာတော်ကြီးဖြစ်သူဖြစ် ၊
တရားဟောသူက ဟော ၊ စာချသူက စာချ လို့ ၊

အခုတော့လည်း ပြောစမှတ်ပြုစရာ စကားလေးတစ်ခွန်းထွက်ပေါ်လာခဲ့ပြီလေ။

``လူထွက်တာကို အပြစ်မမြင်ပါနဲ့ ၊ ဦးဇင်း အဖေဆိုရင် သုံးယောက်နဲ့ တစ်ယောက် လဲသွားတာလေ´´ တဲ့။

(ကာယကံရှင်၏ ခွင့်ပြုချက်ဖြင့် ရေးသားတင်ပြလိုက်ပါသည်)

ဆရာတော်က ကျောင်းတကာကို သတ်လိုက်ပြီတဲ့

ရွာတစ်ရွာတွင် ၀ိနည်းအလွန်လေးစားသောဆရာတော်တစ်ပါးရှိလေ၏။
ဆရာတော်သည် ၀ိနည်းနှင့်ပတ်သက်လာလျှင် မည်သူ့မျက်နှာကိုမျှထောက်လေ့မရှိ။
ဘုရားမျက်နှာကိုသာကြည့်တတ်သောဆရာတော်ဖြစ်တစ်ပါးပင်။

ဆရာတော်၏ကျောင်းတကာသည်ကား ကြည်ညိုလွန်းသောကြောင့် ကျောင်ဆောက်လှူထားသည်မဟုတ်။
မိမိလုပ်ငန်းအတွက် (cover) အကာအကွယ်ယူရန် လှူဒါန်းထားသည့်အတွက် ဆရာတော်၏ သီလတန်ဘိုးကိုနားမလည်။
သူ့လုပ်ငန်းကားတစ်ခြားမဟုတ် နိုင်ငံတော်အကြီးအကဲတစ်ဦးနှင့်ပေါင်းပြီး နိုင်ငံတော်ပိုင်ကျွန်းသစ်များကို ခိုးထုပ်ရောင်းချခြင်းဖြစ်၏။

ဆရာတော်ကား  ကျောင်းတကာကိုတွေ့တိုင်းအောက်ပါအတိုင်း ဆုံးမလေ့ရှိ၏။
``ဒကာကြီး ၊ ခင်ဗျားတို့ လုပ်နေတဲ့သစ်တွေက ခင်ဗျားရဲ့ မိဘတွေစိုက်ခဲ့တာ ဟုတ်ရဲ့လား´´
``မဟုတ်ပါဘုရား ၊ ဒါပေမဲ့ဆရာတော်   -  -  -  -  -´´
``ဒါပေမဲ့ ဘာဖြစ်လဲ  ဒကာကြီး ´´
``ဒီအစိုးရကကောင်းတာမဟုတ်ဘူးဘုရား ၊ ပြည်သူတွေကို အရမ်းအနိုင်ကျင့်တယ်ဘုရား ၊ ဆရာတော်ကမသိပါဘူး၊
    တပည့်တော်တို့ကအသိဆုံးပါဘုရား ၊ ခေတ်ကလဲ ဒီလိုမလုပ်မစားရင် ထမင်းဝဘို့မလွယ်ဘူးဆရာတော်´´
``အော် ခက်တာဘဲ ဒကာရယ်၊ ဘယ်သူကောင်းကောင်း မကောင်ကောင်း ကိုယ်ကောင်းအောင်နေမှပေါ့၊ ကျောင်းတကာဖြစ်ပြီး
    ငါးပါးသီလလေးမှမလုံရင် ရှက်ဖို့ကောင်းတယ်နော် ၊ ´´
   ဆရာတော်က ဘယ်လောက်ပင်တရားချချ ကျောင်းတကာ ကတော့ အလုပ်ပျက်ပေ။

တစ်နေ့  -  -  -  -
ဆရာတော် တစ်ခြားရွာ အလှူတစ်ခုသို့ ညအိပ်ကြွသွားစဉ် ကျောင်းတကာမှာ အခက်ခဲတစ်ခုပေါ်လာလေ၏။
သူ့သစ်တွေကို ထောက်လှမ်းရေးတပ်ဖွဲ့မှ လိုက်ဖမ်းနေခြင်းဖြစ်သဖြင့် ဘယ်လိုမှကြံရာမရသည့်အဆုံး ဆရာတော်ကျောင်းထဲကအဆောင်တစ်ခုထဲ ၀ှက်ထားလိုက်ရလေ၏။

ဆရာတော်ပြန်လာသောအခါ သိလျှင်သိခြင်းကျောင်းတကာကို ချက်ချင်းခေါ်ခိုင်းလိုက်ပြီး - - -
``ဟေ့  ဒကာ၊ မင်းရဲ့သားမယားတွေကို ကျွန်ခံဘို့ ငါကရဟန်းသီလအပျက်ခံရမှာလား၊ ခုချက်ချင်း မင်းရဲ့သစ်တွေထုပ်သွား´´
ကျောင်းတကာအတော်လေးစိတ်ညစ်သွားပြီး   -  -  -  -  - --
``ဆရာတော်ဘုရား  ၊  တပည့်တော် ကျောင်းလှူထားတဲ့ ကျေးဇူးလေးကိုထောက်ပါဦးဘုရား´´
``ဘာပြောတယ် ၊ အေး  ဒို့ကိုမကြည်ညိုရင် တကာတော်ရဲ့ ကျောင်းကို ခုဖျက်ယူသွားလိုက် ၊
    ငါကျောင်းတွေကို မမက်မောဘူး´´
``အရှင်ဘုရား စဉ်းစားပါဦးဘုရား ´´
``ဘုန်းကြီးက စဉ်းစားပြီးလို့ပြောတာ ၊ ခုချက်ချင်းပြန်မယူရင် ဘုန်းကြီးကိုယ်တိုင် သက်ဆိုင်ရာကို တိုင်မယ် ၊ အေး အဲလိုတိုင်ပြီးရင်
   ဘုန်းကြီးလဲ သာသနာ့ဘောင်မနေတော့ဘူး ၊ လူထွက်မယ်´´
``အရှင်ဘုရားတို့က ဒါလေးမှ အားကိုဖော်မရဘူး ၊ အရှင်ဘုရားလက်မခံရင်နေ ၊ လက်ခံတဲ့နေရာကိုဘဲ သွားမယ်ဘုရား´´
ထိုကဲ့သို့ စိတ်ဆိုးဆိုးနဲ့ပြောပြီး ဆရာတော်ကိုတောင် ဦးမချတော့ဘဲ ထပြန်သွားလေတော့၏။

ထိုနောက် ရွာထဲတွင် သတင်းထူးတစ်ခု ထွက်ပေါ်လာလေ၏။

``ဆရာတော်က  ကျောင်းတကာကို သတ်လိုက်ပြီတဲ့´´

ထိုသတင်းသည် ဟိုးလေးတကြော်ကြော်ဖြစ်သွားလေး၏ ၊ ထိုကြောင့် ရွာထဲမှ ကျောင်းကော်မတီများ ဆရာတော်အထံသို့ရေးကြီးသုတ်ပျာပြေးလာပြီး  - - - - -
``ဆရာတော်ဘုရား ´´
``ဘာလဲဒကာတို့´´
ကျောင်းကော်မတီများက ပြာယာခပ်နေပေမဲ့ ဆရာတော်မှာတော့ တည်ငြိမ်အေးဆေးလျှက် ။
``ကျောင်းတကာကို သတ်လိုက်တယ်ဆိုဘုရား´´
``အင်း ဘုရားပေးတဲ့သတ်နည်းနဲ့ သတ်လိုက်တာပါ´´
``တပည့်တော်တို့ နားလည်အောင်ရှင်းပြပါဦး ဘုရား´´

``ဘုရားရှင် အစရှိတဲ့သူတော်ကောင်းတွေက ပြောလို့ဆိုလို့ လက်မခံတဲ့သူတွေကို သူတော်ကောင်းတို့သတ်နည်းနဲ့သတ်ကြတယ်။

    ဘယ်လိုသတ်တာလဲဆိုရင် အဲသလိုဆုံမရတာခက်တဲ့ လူကို နောက်နောင်ဘယ်သောအခါမှ သူတော်ကောင်းတရားမဟောမပြောဘူး။

    သူတော်ကောင်းတရား မနာရတဲ့လူလောက် ဘ၀ဆုံးရှုံးတာမရှိဘူး။ သူတော်ကောင်းတွေရဲ့ အဆုံးမ     မရတဲ့သူရဲ့ဘ၀ကလဲ သေနေတာ နဲ့ဘာမှမထူးတော့ဘူ။ ဒါ့ကြောင့် တကာတို့လဲ အသတ်မခံရအောင်နေကြ၊´´

``သာဓု သာဓု သာဓုပါဘုရား´´

(သူတော်ကောင်းတရား နားကြားရခြင်း အလွန်တရာမှ ရခဲလှပေ၏)

သူတို့လေးတွေလို

တစ်နေ့   -  -  -   -
 (၅) ကျောင်းသူလေးများ လက်ထဲတွင် သပြေပန်းစည်းနှင့်
 နှင်းဆီပန်းများကို ယူဆောင်လာပြီး ဆရာတော်ကျောင်းသို့
 ၀င်ခါ  ဦးစွာ ဘုရားကိုရိုသေစွာရှိခိုးပြီးနောက် ဆရာတော်ကို
 ရှိခိုးနေစဉ်  -  -  -

 ``ဟေ့    --  -- သမီးတို့ ၊ ဘာလဲ  အိမ်က ယတြာချေခိုင်း
 လိုက်လို့လား  -  -ဟင်´´
``မဟုတ်ပါဘူး ဘုန်းဘုန်းဘုရား´´
 `` အော်   ဒါဆို ဆရာမ လှူခိုင်းလိုက်တာလားဟေ့´´
 ``အဲဒါလဲ မဟုတ်ပါဘူးဘုရား ၊ ဒါက တပည့်တော်တို့ သူငယ်ချင်းတွေစုပြီး မုန့်ဘိုးထဲက ၀ယ်လှူတာပါ
   ဘုရား´´
 ``အောင်မလေး   လေး ၊ တော်လိုက်တာဗျာ ၊  သာဓု  သာဓု သာဓု´´

 ``ဒါနဲ့  သမီးတို့က   တစ်ရက်ကို မုန်းဘိုးဘယ်လောက်ရလဲ´´
 ``တပည့်တော်က နှစ်ရာရပါတယ်ဘုန်းဘုန်း´´
 ``တပည့်တော်က တစ်ရာ့ငါးဆယ် ပါဘုရား´´
    စသည်  စသည်ဖြင့် မိမိတို့ပါလာသော မုန့်ဘိုးများကိုလျှောက်ထားရာ နှစ်ရာကျပ်သာအများဆုံးဖြစ်၏။

 ``အေး  သမီးတို့ ၊ ပန်းလှူရင် ဘာအကျိုးရတယ်ဆိုတာ သိရဲ့လား´´
 ``မသိပါဘူးဘုန်းဘုန်း´´
 ``မှတ်ထားကွဲ့  ၊  သမီးတို့နားလည်အောင်ပြောရရင် ပန်းလှူတဲ့သူက ဘ၀ဆက်တိုင်း ဆက်တိုင်း
     ရုပ်ချောတယ်နော်   ဟုတ်ပြီလား´´
 ``မှတ်မိလား    ပြန်ပြောပြစမ်း ၊  သမီးတို့ရေ    ပန်းလှူရင် ဘာဖြစ်တယ်  -´´
 ``ရုပ်ချောပါတယ်ဘုရား´´ ဟုပြိုင်တူ လျှောက်ထားကြလေ၏။

     ထို့နောက်ဆရာတော်သည် ကျောင်းသူလေးများကို အန္တရာယ်ကင်းဂါထာတော်ပါ ကဒ်ပြားလေးများ
     ပေးပြီး ``အေး   သမီးတို့   စာကြိုးစားကြနော် ၊  ကဲ  ကဲ  ကျောင်းတက်တော့မယ်ထင်တယ်´´
    ထိုအခါ ကျောင်းသူလေးတစ်ယောက်က  -
 ``ဘုန်းဘုန်း  ပေးဖို့တစ်ခုကျန်သေးတယ်လေ´´
 ``ဟေ့     ၊  ဘာများလဲ သမီးရဲ့ ´´
 ``ဆုပေးဖို့လေ  ဘုန်းဘုန်း´´

 ``အော်  ၊ အေး  အေး  အေး ၊ ကဲ ကဲ ယခုလိုပန်းလှူရသောအကျိုးအားကြောင့် ဖြစ်လေရာ ဘ၀တိုင်း 

    ဘ၀တိုင်း  ပန်းလိုလှလို့ မွှေးနိုင်ကြပါစေဗျာ၊ ပညာတတ် သူတော်ကောင်းသူဌေးမကြီးများဖြစ်ပြီး 

    သာသနာတော်ကိုလဲ ဒီထက်မက လှူနိုင်ကြပါစေ´´

 ``ပေးတဲ့ဆုနဲ့ ပြည့်ပါစေ ဘုန်းဘုန်း´´

     ထို့နောက် ဆရာတော်အားရှိခိုးကန်တော့ ပြီးအတန်းကျောင်းသို့ပြန်သွားချိန် ဆရာတော်ရင်ထဲမှာ -
     အော် သမီလေးတွေ တော်လိုက်တာ ၊ သူတော်ကောင်းဓာတ်ခံပါလာကြတာကိုး ၊ သူတော်ကောင်း 

    လေးတွေပါလား ၊ ဒီလိုမျိုးများများသာပေါ်ထွန်းလာရင်တော့ ဒို့ဒီမှာ သာသနာပြုရကျိုးနပ်တာပေါ့။

    ဘေးရန်ကင်းကြပါစေ၊ ကိုယ်ဆင်းရဲ စိတ်ဆင်းရဲ ကင်းကြပါစေ၊ သူတို့လေးတွေလိုများ -  -  -  -  -

   သူတို့အရွယ်တွေ သူတို့လေးတွေလိုစိတ်ထားလေးတွေ ထာဝစဉ်သာကိန်းပါစေတော့ -  -  -  - -  - - ။

 (ငါးတန်းကျောင်းသူ မနွယ်နီဦး နှင့် သူငယ်ချင်းများကို ဂုဏ်ပြုလျှက် -  -  )

ဘ၀နှစ်ခုနဲ့လူ

ဘ၀နှစ်ခုကိုပိုင်ဆိုင်သူကား တစ်ခြားမဟုတ်ပါ။

နာမည်အရင်းက ဥတ္တရာ ဟုခေါ်ပါသည်။
အလုပ်အကိုင်က ဥတေနမင်းကြီး၏မိဖုရား သာမာဝတီ ကိုနေ့စဉ် ပန်းဆက်သခြင်း။
သာမာဝတီမိဖုရားအားပန်းဆက်သရန် ဥတေနမင်းထံမှ နေ့စဉ် အသပြာ ရှစ်ကျပ်ကိုယူပြီး တကယ်တမ်းပန်းဆက်သသောအခါ လေးကျပ်ဖိုးမျှသာ။

ဥတ္တရာ၏ထူးခြားသောအမှတ်အသားက ခါးကုန်းခြင်း ။ ထို့ကြောင့် ခါးကုန်းမဥတ္တရာဟုသာလူသိများကြ၏။

တစ်နေ့ --  --  --  --
ပန်းဆိုင်တွင် ဘုရားအမှူးရှိသော သံဃာတော် အရှင်မြတ်တို့အား ဆွမ်းကပ်လှူပွဲရှိသဖြင့် ဝေယျာဝစ္စပြုလုပ်  ရင်းတရားနာသောအခါ သောတာပန်တည်သွားလေ၏။

 ထိုအချိန်မှစပြီး မတရားမှုမှန်သမျှကို ဘယ်သောအခါမှ မလုပ်တော့ပေ။ 

 အော်  -  -  -  -တရားတစ်ပုဒ်ကိုနာယူလိုက်ခြင်းက ဘာမျှအချိန်မကြာလိုက်ပေမဲ့ ဘ၀တစ်ခုပြောင်းလဲခြင်းက သိသာလှပေ၏။ 

  ``ဓမ္မစကား ၊ နေ့တိုင်းကြားက ၊ စိတ်ထားဖွေးလက် ၊ သိဥာဏ်ထက်၏´´

 တရားအသိနဲ့ ဘ၀ကို လျှောက်လှမ်းသွားခဲ့တဲ့လူတွေရဲ့ဖြစ်စဉ်တိုင်းဟာ     နောင်လာနောက်သားတွေအတွက် အတုယူစရာလမ်းစဉ်ဖြစ်သလို  အေးချမ်းမှုကိုပြတဲ့မြေပုံတစ်ခုလဲဖြစ်ပါတယ်။
အခုတော့ ဥတ္တရာဘ၀ပြောင်းလဲသွားပြီလေ ။ အရင်က သူခိုး အခုတော့ သူတော်ကောင်းမ။

 ဆိုလိုရင်းကတော့ လူသားတိုင်း တရားနာသင့်တယ်ဆိုတာပါဘဲ။

တရားတစ်ပုဒ်နာလိုက်ရတာဟာ အဲသလောက်တောင်ပြောင်လဲသွားတာဆိုရင် လူတွေဖမ်းပြီး အပြစ်ပေးနေမဲ့အစား စိတ်ဓာတ်တွေပြောင်းလဲသွားအောင် လူနေမှုဘ၀တွေအဆင့်တန်းမြင့်လာအောင် ဘာတွေလုပ်သင့်တယ်ဆိုတာ ဘယ်လိုလုပ်ရမယ်ဆိုတာ သဘောပေါက်တဲ့လူတိုင်းက နာလည်ပြီးဖြစ်နေလိမ်မယ်ဆိုတာကို တင်ပြရင်း  -  -  -  -  -  -  -။

 (တရားပွဲပိတ်ခြင်းများကို ရည်ရွယ်ပါသည်)

ရလာဒ်

    

    အိမ်ခြေ ၁၅၀၀ ၀န်ကျင်လောက်ရှိသော ရွာတစ်ရွာတွင် ကြီးကျယ်ခန်းနားသော ဓမ္မာရုံတစ်ခု   ဆောက်လုပ်လျှက်ရှိရာ ရန်ပုံငွေလိုအပ်သဖြင့် တရားပွဲကျင်းပကြလေ၏။
တရားနာလာရောက်ကြသော ပရိသတ်မှာလဲ အလွန်တရာမှစည်းကားလှ၏။
တရားပွဲပြီးဆုံးသွားပြီးနောက် တကာ ၊ တကာမများက ၀မ်းသာအားရဖြင့်ဆရာတော်ကို လာရောက်လျှောက်ထားကြရာ  -  -  -  -  -  -

`` ဆရာတော်ဘုရား  ၊ တရားဟောတဲ့ဦးဇင်းလေးတွေက တကယ်တော်ကြပါတယ်ဘုရား။
   တကယ်ကို နာမည်ကြီး ဓမ္မကထိက ကြီးဟောနေတဲ့အတိုင်းပါဘဲဘုရား။´´

``ဟုတ်ပါတယ်ဘုရား ၊ တစ်ချို့တရားနာပရိသတ်ဆို မျက်ရည်တောင်ကျတယ်ဘုရား ´´

`` ဟုတ်တယ်ဆရာတော် ၊ ဦးဇင်းလေးက အစွဲအငင်ကောင်းကောင်းနဲ့ဟောလိုက်တာ     တပည့်တော်တို့ရင်ထဲတောင် စို့တက်လာပြီး ၀မ်းနည်းသလိုလိုတောင်ဖြစ်တယ်ဘုရား´´

``အော် အော်  တရားပွဲရလာဒ်က ဘယ်လိုဖြစ်တာပါလိမ့် ၊ ဘုရားရဲ့တရားတော်တွေဟာ  ရူးနေတဲ့ ပဋာစာရီတောင်မှ အရူးရောဂါပျောက်သေးတယ် ၊ အခုဟာက ကောက်ချက်မှားနေပြီထင်တယ်´´

``တကာ တကာမတို့ ၊  တရားနာတယ်ဆိုတာ ရင်ထဲမှာရှိနေတဲ့အပူတွေငြိမ်းရမယ်လေ ၊  ဘယ်လိုဖြစ်လို့အပူတွေတိုးလာရတာလဲ´´

`` ဓမ္မကထိကရဲ့ တရားနာပရိသတ်အပေါ်မှာ ထားတဲ့နှလုံးသွင်းက ဘာများပါလိမ့် ၊  ဇာတ်ကောင်ကို နာအောင်ဖန်တီးပြီး သူနာမည်ကြီးအောင်များဟောလိုက်တာလား ၊ ဘ၀နာနေတဲ့ လူသားတွေကို ဘာသာတရားရဲ့ ငြိမ်းအေးမှုအရိပ်အောက်ကို ပို့ချင်တာမှဟုတ်ရဲ့လား ၊ အော်  ဒါကလဲ ဓမ္မကထိက ကိုယ်တိုင်သာသိပါလိမ့်မယ် ၊ ကိုယ်လိုချင်တာက အေးချမ်းမှု့ သူပေးနေတာက -  -  - ဘုရား ဘုရား  သာသနာကိုတကယ်တန်ဘိုးထားသူများသာ အောင်မြင်ကြပါစေ´´ ဟုသာ ဆုတောင်းရင်း  ကျောင်းထိုင် ဆရာတော်မှာ ရင်မောလျှက် ။  ။  ။

(တကယ့်ဖြစ်ရပ်လေးကိုအခြေခံလျှက် -  -  -)

တောရွာက သာသနာ

 တစ်ခါက ရွာဦးကျောင်းဆရာတော်ဆီသို့ ဒကာနှစ်ယောက် ဆိုင်ကယ်ဖြင့်ရောက်လာလေ၏။
ဆရာတော်ကို ရိုသေစွာရှိခိုးပြီး  -  -  -
`` ဆရာတော်ဘုရား ၊ မနက်ဖြန် နံနက် (၆) နာရီအချိန် .  .  .  .  .  .  .  .တို့အိမ်ကဆွမ်းကပ် လာပင့်တာပါဘုရား´´
`` အော်.  .  .  . ဒကာကြီး သံဃာဘယ်နှစ်ပါးလဲ´´
``တင်းပါ့ဘုရား၊  ငါးပါးပါဘုရား´´
``ဘာအတွက် ဆွမ်းကပ်တာလဲ´´
``အန္တရာယ်ကင်းပါဘုရား  ၊  နောက်ပြီး အစွဲချွတ်တဲ့တရားလဲဟောပေးပါဘုရား´´
``ဘယ်လိုဖြစ်လို့လဲ ဒကာတော် ၊ ပြောပြစမ်းပါဦး´´
``မှန်ပါ့ ဆရာတော် ၊ သူတို့အယူအဆကတော့ -  -  -

           `သေ စုံ ၊ ရှင် မ´ ပါဘုရား´´

``ဟေ့ ၊ ဘယ်လို  ဘုန်းဘုန်းကိုနားလည်အောင်ပြောစမ်း´´
``တင်းပါ့ဘုရား  ၊  ဒီလိုပါဘုရား ၊

   နာရေးအတွက်ဆိုရင် ဘုန်းကြီးကို စုံဂဏန်းကျအောင်ပင့်ရတာပါဘုရား ၊ 

   သာရေး (အလှူ စသည်။ နာရေးမှအပ) ဆိုရင် မဂဏန်းကျအောင် ပင့်ရတာကို ပြောတာပါဘုရား´´

   အော် လူတွေ လူတွေ  ဘာသာရေးကိုလဲ မသိ ၊ လေ့လဲမလေ့လာ ၊ 

ရဟန်းသံဃာကိုတောင်မှ  ကောင်းကောင်းမကြည်ညိုတတ်သေးပါလား ၊

ဒီလိုဆို ဒို့တောရွာတွေမှာ သာသနာအတော်အားနည်းနေသေးတာဘဲ၊

သူတို့လှူတဲ့ ပစ္စယဒါန(ပစ္စည်းလေးပါး) ကိုသာ ငါတို့ရဟန်းတွေသုံးဆောင်နေရသေးတာပါလား၊

ဒို့များပေးတဲ့ ဓမ္မဒါန တွေကိုတော့ သူတို့မသုံးဆောင်ရသေးဘူးပဲ ၊ 

အင်း  -  -  - ဆက်ကြိုးစားရဦးမှာပေါ့လေ -  -   -   -

    တာဝန်သိသူမှာ တာဝန်ရှိပါသည်။
    တာဝန်ရှိသူမှာ  တာဝန်ပိပါသည်။

(ထေရ၀ါဒသာသနာတော်ပျံ့ပွားစေခြင်းကိုရည်ရွယ်ပါသည်။)

ငါဟဲ့ ယောက်ျား

ဘာကိစ္စမဆို
ပြုလုပ်လိုက
ငါဟဲ့ ယောက်ျား စိတ်ကိုထားလော့ ။  ။

ဖြစ်ဟူသမျှ
မရှိရအောင်
ယောက်ျား အာဇာနည် ဇွဲသို့တည်လော့ ။  ။

ယောက်ျားမှန်က
ကြိုးစားကြ ။
ငုတ်မိသဲတိုင်
တက်နိုင်ဖျားရောက်
ဘ၀လမ်းဖောက် ။
ယောက်ျားတို့ဇွဲ
သေမှာ စဲစေ
ကြိုးစားလေ ။  ။

တရားဟောကောင်းလိုက်ပုံက

တစ်ခါတုန်းက  တရားဟောရာမှာ အလွန်ကောင်းတဲ့ ဆရာတော်ကြီးတစ်ပါးရှိသတဲ့။
တစ်နေ့ တော့ တရားပွဲ တစ်ပွဲမှာ မိဘမေတ္တာ အကြောင်းဟောပါတယ်။

တရားနာပရိသတ် များကလဲ စူးစူးစိုက်စိုက်နာ ကြပါတယ် ။ ဆရာတော် က နောက်ပိုင်းမင်းသားကြီး ပမာအစွဲအငင်ကောင်းကောင်း အသံသာသာနဲ့ ဟောတော့ တစ်ချို့ တရားနာပရိသတ်များ ဈာန်ဝင်ပြီး မျက်ရည်များတောင် ကျတဲ့လူတွေရှိပါတယ်။
ဒီလိုနဲ့ တရားပွဲပြီးလို တရားနာပရိသတ်များ ပြန်သွားကြတဲ့အခါ ဒကာမကြီးတစ်ယောက်က ဓမ္မာရုံနားမှာ ၀ဲလည်ဝဲလည်နဲ့  မျက်နှာမှာလဲ မျက်ရည်တွေထွက်ကျနေပါတယ်။

အဲဒါကို တရားဟောဆရာတော်က မြင်တော့ အားပေးနှစ်သိမ့်တဲ့သဘောနဲ့ အနားသွားပြီ  --  --  --
``အော်  ဒကာမကြီးကလဲ  ၀မ်းနည်းတတ်လိုက်တာ၊  ဒီလိုမှန်းသိရင် ဘုန်းကြီး နည်းနည်း လျှော့ဟောပါတယ် ၊ မငိုပါနဲ့ဒကာမကြီးရယ် ၊  တိတ် တိတ် ၊ ကဲ ကဲ အိမ်ပြန်တော့လေ ။ မိုးချုပ်နေပြီ ´´ဆိုပြီး ဆရာတော်က အားပေးရှာသတဲ့။။

အဲဒီတော့ ဒကာမကြီးက ပြန်ပြောလိုက်တာက --   --   -  -  -
``သူများမှ ဖိနပ်ပျောက်လို့ ငိုပါတယ်ဆိုမှ ဒီကိုယ်တော်ကတစ်မျိုး ´´ တဲ့

သတိထားတတ်ရင် အသိတရားထွက်ပါတယ်

လူရယ်လို့ဖြစ်လာရင် လောကဓံတရားတွေနဲ့ ရင်ဆိုင်ကြုံတွေရတာဟာ သဘာဝပါဘဲ။
တကယ်တော့ အကဲ့ရဲ့ခံရတာဟာ ကြောက်စရာမဟုတ်ပါဘူး။
ကိုယ်က သူများကိုကဲ့ရဲ့မိမှာကိုပဲ ကြောက်ဖို့လိုတာပါ။

ပြုသူအသစ်ဖြစ်သူအဟောင်းဆိုကို မမေ့သင့်ဘူးလေ။

မြတ်စွာဘုရားရှင်ကိုယ်တော်မြတ်တောင်မှ ကဲ့ရဲ့မှု၊ ပြစ်တင်မှု၊ ဝေဘန်မှုတွေ ခံခဲ့ရသေးတာဘဲ။
တစ်ခြားသောလူများဆို ပြောဖွယ်ရာမရှိပါဘူး။
လောကမှာ ကိုယ့်ထက် သီလ သမာဓိ ပညာ စတဲ့တရားတွေ သာလွန်တဲ့လူတွေ မြောက်များစွာရှိနေပါလိမ့်မယ်။
ဒါ့ကြောင့်  ကိုယ်ပြစ်မှား စော်ကားမိလိုက်တဲ့သူက ကိုယ့်ထက် သူတော်ကောင်းတရားတွေကို ပိုပြီးကျင့်ကြံနေတာဆိုရင်  သံသရာမှာ ကိုယ်ဘဲပိုပြီးနစ်နာသွားနိုင်တယ်လေ။

ဆုံးရှုံးမှုတွေကို မလိုချင်ပေမဲ့ စဉ်းစာမှုမရှိတဲ့အခါ ၀င်လာတတ်တဲ့သဘောရှိတယ်လေ။

သတိထားတတ်ရင် အသိတရားထွက်ပါတယ်။

ရထားပေါ်က လက်တွေ့ဘ၀

လက်တွေ့ဘ၀ထဲက လက်ငင်းအကျိုးပေးတဲ့ဖြစ်ရပ်လေးတစ်ခုပါဗျာ။
ဆောင်တာဝါသနာပါတဲ့လူတွေအတွက် ဆောင်စရာလေးဖြစ်သလို ရှောင်တာဝါသနာပါသူတွေအတွက်လဲ သင်ခန်းစာလေးတစ်ခုဖြစ်မယ်ထင်လို့ပါ။
ဒီဖြစ်ရပ်လေးရဲ့အစကတော့ ရန်ကုန်မှ မန္တလေးသို့သွားတဲ့ရထားပေါ်ကစတယ်လို့ဆိုရမှာပေါ့။
ဘူတာကိုရထားဆိုက်တော့မယ်ဆိုရင် အရင်ဆုံးရထားပေါ်အပြေးအလွှားတက်လာတာက ဈေးသည်တွေလေ။
စုံလို့ပါဘဲ။ ထမင်းရောင်းတာတွေလဲပါတယ် ။ မုန့်ရောင်းတာတွေလဲပါတယ် ။ ဆေးရောင်းတာလဲပါသလို လက်ဆောင်ပစ္စည်း ရောင်းတာလဲပါတယ်ဆိုတော့  အစုံအစုံပါဘဲ။

ရထားပေါ်မှာပါလာတဲ့ခရီးသည်တစ်ဦးရဲ့လက်ထဲမှာ ဒဏ်ရာ ဗလပွ အနာတရများစွာ ညစ်နွမ်းတဲ့ကာလာတွေ ဖြာထွက်နေတဲ့
နှစ်ရာတန် အစုပ်လေးတစ်ရွက်။
သူက လာလာသမျှ ဈေးသည်တွေကို အဲဒီပိုက်ဆံလေးနဲ့ ၀ယ်တယ်။
ဒါပေမဲ့ ဈေးသည်တော်တော်များများက ``ဒီပိုက်ဆံလေး ပြန်လဲပေးပါဦး ´´ ဆိုပြီးလဲခိုင်းတယ်။
ဒီလိုနဲ့ ပိုက်ဆံလေး နေမြဲတိုင်း သူဆီမှာဘဲ ကျန်နေခဲ့တာပေါ့။
ဒီတော့သူစဉ်းစားတယ်။
``အင်း  ဒီအတိုင်းဝယ်နေလို့ကတော့ အဆင်ပြေမှာမဟုတ်ဘူး ။ ငါ  နောက်ဘူတာကိုရောက်ရင် ရထားထွက်ခါနီးမှဘဲ ၀ယ်မယ် ဒီလိုဆိုသူတို့ ပြန်လဲခိုင်းလို့ရမှာမဟုတ်တော့ဘူး´´
သူ့အကြံနဲ့သူတော့ ဟုတ်လို့ပေါ့လေ။
     နောက်လာမဲ့ဘူတာမှာလဲ ဈေးသည်တစ်ယောက်။
သူကတော့ ရောင်းလို့မကုန် တဲ့ ထမင်းသိုးတွေကို ရထားထွက်ခါနီးမှ အပြေးအလွှားလိုက်ရောင်းတာ။
ဘူတာကိုလဲရောက် -  -  -  - ရထားပြန်ထွက်ခါနီး ဥသြလဲ စွဲရော။  ရထားဘီးတွေကလဲ တစ်လိမ့်ချင်းလိမ့်စပြုလို့ ။ ဒီတော့မှ -  -
 ``ထမင်းတွေ ရမယ် ၊ ထမင်းတွေရမယ်၊ ပူပူနွေးနွေးလေးနော် ၊ တစ်ထုပ်မှ  နှစ်ရာဘဲ ၊ ယူကြဦးမလား´´
နှစ်ရာတန်ခရီးသည်ကလဲ သူ့အကြံနဲ့သူ ။
``လာဦးဗျို့ ၊ တစ်ထုပ်လောက်ပေးပါ ။ ´´
``ဟုတ်ကဲ့ ၊ ရော့  ရော့  ၊ ပိုက်ဆံချပေးလိုက်လေ´´
``အေး  အေး´´

ခရီးသည်ကလဲ ပိုက်ဆံအစုပ်လေးထွက်သွားပြီး ၊ထမင်းထုပ်လေးရလာတော့ သူ့ကိုသူ ဟုတ်လှပြီပေါ့။
ဈေးသည်ကလဲ ထမင်းသိုးတစ်ထုပ်က ပိုက်ဆံနှစ်ရာ ရှာပေးတယ်ဆိုတော့ ၀မ်းသာလို့လေ။
ရထားပေါ်က ပစ်ချလိုက်လို့လေထဲဝဲနေတဲ့ ပိုက်ဆံလေးကိုအမိအရဖမ်း ၊  ပြီးတော့မှ ``ဟင်´´။
ခရီးသည် ကလဲ ဈေးသည်ကိုလှမ်းကြည့် ၊ သနားပါတယ်ဆိုတဲ့ သဘောပေါ့ ။
ပြီးတော့မှ ထမင်းစားမယ်ဆိုပြီး အိတ်ဖွင့်လိုက်တော့မှ ``ဟာ´´။

စာချစ်သူတို့ရေ အဲဒီ ( ဟာ နဲ့ ဟင် ) ကိုအနှစ်ချုပ်ရင်  -   -   -

အစုပ်ပေးရင် အပုတ်ရတယ် ။  အပုတ်ပေးရင် အစုပ်ရတယ် ပေါ့နော်။

စိတ်ထားလေးတွေ မကောင်းသရွေ့ အကျိုးပေးလဲ ညံ့တတ်တယ်ဆိုတာ သတိရစေချင်လို့ပါ။

လူအချင်းချင်း ၊ လှည့်ပတ်ခြင်း ၊ ကင်းရှင်းကြပါစေ။  ။  ။

ဘ၀ငြိမ်းချမ်းရေးတရား

စကားဝိုင်းတစ်ခုက ကောက်နှုတ်ချက်လေးပါ။
``အရှင်ဘုရား တပည့်တော်တို့ မြတ်စွာဘုရားတည်ထောင်ခဲ့တဲ့ သာသနာတော်ကြီး နောင်လာနောင်သားတွေလက်ထက်မှာ ကွယ်ပျောက်သွားမှာ အရမ်းစိုးရိမ်တာဘဲဘုရား´´
``ဘာဖြစ်လို့လဲ ဒကာတော်ရ´´
``အခုခေတ်လူငယ်တွေကို အားမရလို့ပေါ့ဘုရား´´
``ဟေ့ သူတို့လေးတွေက ဘာတွေလုပ်နေလို့လဲကွဲ့´´
``ဘာမှမလုပ်လို့ပေါ့ဘုရား´´
``ဒကာကြီးကို ဘုန်းဘုန်းတစ်ခုပြောပြမယ်နော်´´
``တင်းပါ့ဘုရား´´

``သာသနာနဲ့ပတ်သတ်တာက-  -   -  --  --
၁။ သာသနာ (အဆုံးအမ)
၂။ သာသနာ့ဝန်ထမ်း ( ဦးဇင်း ၊ ကိုရင် ၊ သီလရှင်)
၃။ သာသနာ့အဆောက်အဦး (ကျောင်း ၊ ကန် ၊ ဇရပ် ၊ တန်ဆောင်း ၊ စေတီပုထိုး ၊ ဘုရား-စသည်)
ဆိုပြီး (၃)မျိုးရှိတယ်ကွဲ့´´
``တင်းပါ့ဘုရား´´

``အေး     ဘုရားတွေ ကျောင်းကန် ဇရပ်တွေ ပေါတိုင်း သာသနာတည်တယ်၊ တိုးတတ်တယ် ခေါ်လို့မရဘူးကွဲ့´´
``မှန်ပါ့´´
``နောက်တစ်ခါ  ၊ ကိုရင်တို့ သီလရှင်တို့ ဦးဇင်းတို့ပေါတိုင်းလဲ သာသနာတည်တယ် တိုးတတ်တယ်လို့ပြောလို့မရဘူးကွ´´
``မှန်ပါ့´´

``တကယ်တော့ ဘုရားအဆုံးအမတွေကို လိုက်နာတဲ့လူတွေ ။ လက်တွေ့တကယ်ကျင့်သုံးတဲ့လူတွေများလာမှ တကယ့်သာသနာ တည်တာကွဲ့´´

``အော် -  - -  - မှန်ပါ့ ၊ မှတ်သားထိုက်ပါတယ်ဘုရား ၊ အခုလိုကြားရတာဟာ တကယ်ကိုဝမ်းသာဖို့ကောင်းပါတယ်ဘုရား´´

``အေး ဘုန်းဘုန်းမှာချင်တာက သာသနာတကယ်အဓွန့်ရှည်ကြာတည်စေချင်ရင်တော့ မင်းတို့တစ်တွေ ဘုရားစကားများများနားထောင်ကြကွယ် ၊ ဟုတ်ကဲ့လား´´
``မှန်ပါဘုရား´´
``ကိုယ့်ဘ၀သာယာလှပဖို့ အတွက်ဆိုဘယ်သူပြောပြော နားထောင်ရမယ်ကွဲ့´´
``ဘာသာမတူလို့ ဘာဖြစ်လို့ ဆိုရင်ကိုယ်ပဲ နစ်နာလိမ့်မယ်ကွဲ့´´
``ဥပမာပြောရရင် လူနာဟာ ရောဂါသာပျောက်မယ်ဆိုရင် ဘယ်ဆရာဝန်ကပြောပြော နားထောင်ရမယ်လေ ။ . ....နော်။
`` အေး အဲသလိုဆို လောကကြီးလည်း အလိုလို အေးချမ်းပြီးသာယာလာလိမ့်မယ်ကွယ်´´

 ```` သတ္တ၀ါခပ်သိမ်း ၊ တရားကိန်း ၊ အေးငြိမ်းသာယာရှိပါစေ´´´´

မြင်နိုင်ကြပါစေ

တစ်ခါတုန်းပေါ့ မိုးကုတ်မြို့လေးမှာပါ။
တရုတ်လူမျိုးတစ်ယောက်ရဲ့ အမူယာလေးက တစ်မျိုးဆန်းနေလို့။
အတုယူလိုသူများအတွက် ကောင်းကွက်လေးတစ်ခုမို့ပါ။
ခံစားကြည့်လိုက်ပါဦးနော်။
တရုတ်လူမျိုးတော်တော်များက မနက်ခင်းမှာ လမ်းလျှောက်ခြင်းစတဲ့ လေ့ကျင့်ခန်းတွေလုပ်လေ့လုပ်ထရှိတယ်လေ။
ထူးခြားတာတစ်ခုက အသက်ခပ်ကြီးကြီးတရုတ်ကြီးတစ်ယောက်ကတော့ သူလမ်းလျှောက်တိုင်း စိတ်ပုတီးစိပ်ရင်းလမ်းလျှောက်လေ့ရှိတယ်။
တစ်နေ့တော့ - - -
လမ်းမှာပန်းရံဆရာတစ်ယောက်နဲ့ တွေ့ရင်း စပ်မိစပ်ရာ ဟိုအကြောင်းဒီအကြောင်းပြောဖြစ်ကြတယ်ပေါ့။
အဲဒီမှာတင် ပန်းရံဆရာကမေးလိုက်တယ်။
``ခင်ဗျားက  ဘာဖြစ်လို့ပုတီးစိပ်တာလဲ ၊ ဂုဏ်တော်တွေရော ပွားတတ်လို့လား ဗျ´´
``အဲဒါတွေကိုတော့ ကျုပ်နားမလည်ဘူး ၊ ကျုပ်သိတာတစ်ခုက ပုတီးစိပ်ရင် စိတ်ငြိမ်တယ် ။ မဟုတ်တဲ့စကားတွေလဲမပြောဖြစ်ဘူး ၊
 အင်း  နောက်ပြီးတော့ ကျုပ်အတွက်လဲ အစစအရာရာ အဆင်ပြေတယ်ထင်လို့ပေါ့´´
ပန်းရံဆရာ ကိုရွှေမြန်မာကတော့  -   -   -
``အော်     အော်    အော်´´ နဲ့သာ လမ်းခွဲတစ်ခုမှာ ကျန်ရစ်ခဲ့လေတော့သတည်း ။

ဒီစာသားလေးက ဘာကိုဆိုလိုချင်တယ်ဆိုတာ အထူးပြောစရာမလိုတော့ပါဘူး ။

ကောင်းတာလေးတွေကိုကောင်းတယ်လို့လက်ခံတဲ့လူတွေမှာသာ ကောင်းတဲ့ဘ၀တွေကို ပိုင်ဆိုင်ရတာပါ။

စာချစ်သူတို့လဲ ကောင်းတာလေးတွေလက်ခံပြီး ကျင့်ကြံနိုင်ကြပါစေ ။   ။   ။

စွဲလမ်းမှု

သီတင်းကျွတ်လကွယ်နေ့ ။
ကျောင်းဓမ္မာရုံထဲတွင် ဥပုသ်သည်များဖြင့် ပြည့်နှက်နေလေ၏။
၁၂ နာရီထိုးသည်နှင့် ကျောင်းရှိစာသင်သားသံဃာများလဲ အပတ်စဉ်စာမေးပွဲဖြေဆိုနေကြသည်။
၎င်းနောက် ဆရာတော်သည် အဖြေလွှာများကိုစစ်နေချိန်တွင် ဒါယကာ သုံးလေးယောက်လောက်ရောက်လာခါ
``ဆရာတော်ဘုရား ၊ တပည့်တော်တို့ အသုဘရှိလို့ သရဏဂုံတင်ရအောင်လာပင့်တာပါဘုရား´´
``ဟေ့    ဒကာတို့ဒီအချိန်ကျမှနောက်မကျဘူးလား  ၊  ခါတိုင်းလူသေရင် ၃ ရက်လောက်ထားတယ်ဆို´´
``တင်းပါ့ဘုရား  ၊  ခါတိုင်းကတော့ ဟုတ်ပါတယ်ဘုရား ၊  ဒီနေ့က   -   -    -   -´´
``အေး     ဒီနေ့ကဘာဖြစ်လို့လဲ´´
``တင်းပါ   လကွယ်နေ့ဖြစ်လို့ပါဘုရား´´
``အဲဒီတော့ ဘာဖြစ်လို့လဲ´´
``လကွယ်နေ့သေရင်  နောက်လမကူးကောင်းဘူး ဆိုလို့ပါဘုရား ၊  မြေ မြှုပ်ပြီးရင် တစ်ခါတည်းရက်လည်ရမှာပါဘုရား´´
``ဟေ့   အထူးအဆန်းပါလားဟ  ၊  ဘယ်ဘုန်းကြီးက ဟောလိုက်တာလဲ  ဒကာတို့    ။ တို့လဲမဟောဘူးပါဘူး´´
``တင်းပါ့   ၊  အစဉ်အလာရှိခဲ့လို့ပါဘုရား´´
``ဒကာတို့   ၊  ဒို့ဘုရားကိုကြည်ညိုရဲ့လား ´´
``တင်းပါ့  ကြည်ညိုပါတယ်ဘုရား´´
``ယုံကော ယုံရဲ့လား´´
``တင်းပါ့  ယုံပါတယ်ဘုရား´´

``ဘာလို့ဘုရားစကားနားမထောင်ကြတာလဲ ၊  မစွဲသင်တဲ့အရာတွေကို မစွဲလမ်းတာဟာ ဘ၀ချမ်းသာမှုရဲ့တစ်စိပ်တစ်ပိုင်းပဲ ၊

 ဒို့ဘုရားကို အားနာတယ်ဆိုရင် အဲသလို ယုတ္တိ ယုတ္တာမရှိတာတွေကို  လှေနံဓားထစ်မှတ်မထားပါနဲ့လို့  ဒို့ပြောချင်တယ်ကွယ် ´´

``တင်းပါ့ ဆရာတော်အမိန့်ရှိတဲ့အတိုင်း လိုက်နာဆောင်ရွက်ပါတော့မယ်ဘုရား´´

ထိုနောက် ဆရာတော်သည် ကျန်ရှိနေသော အဖြေလွှာများကို ဆက်လက်စစ်လျှက်   --    --   --   --။

အမောင်လူသား သတိထား

• လူသားတွေတဲ့
• မုသားတွေလဲ ဆိုလို့ဆို
• အပိုတွေလဲ လုပ်လို့လုပ်
• မဟုတ်တာက ခပ်များများ
• ကြွားလိုက်စမ်းဟဲ့  အမောင်လူသား  ။
• 
  
• ၀ါးတားတားနဲ့ယောင်တောင်တောင်
• ဒေါင်းယောင်ဆောင်လို့ ဇာတ်လမ်းထွင်
• ကျွမ်းကျင်လှသည့် လူ့မာယာ
• အမှားဝင်္ကဘာကိုဖန်တီး
• အကြံကြီးသည့် အမောင်လူသား
• ဆင်းရဲ့တော့မယ် သတိထား  ။
• 
  
• အမှားသိလျှင် အမှန်ပြင်
• ဥာဏ်မြင်ရှေ့သွား အမောင်လူသား  ။

ရွေးချယ်မှု

တစ်ခါက ကျောင်းထိုင်ဆရာတော်တစ်ပါးက ကျောင်းရှေ့မျက်နှာသာမှာ အမှိုက်များ လှည်းနေသောအချိန်တွင်
ထိုကျောင်းတွင်းရှိ ကိုယ်တော်လေးတစ်ပါးမှ လာပြီး   --  --  --  --
`` ပေး   ပေး  ဆရာတော် တပည့်တော် လှည်းလိုက်ပါမယ်ဘုရား´´
ဆရာတော်က ထိုကိုယ်လေးမျက်နှာကို သေသေချာချာကြည့်ပြီး -  -
``ဦးဇင်းလေး  ၊  အခုမှ ဒီအမှိုက်တွေကိုမြင်တာလား´´
``မဟုတ်ပါဘုရား´´
``ဒါဆိုဘာလို့ အခုမှ လုပ်ချင်ရတာလဲ´´
``ဘုရား   -   -  -တပည့်တော်  -    - အဲ   -    - ´´
``ဦးဇင်းလေး ၊ မှတ်ထားကွဲ့ ။  ကုသိုလ်ဆိုတာ ယူတတ်ရင်နေရာတိုင်းမှာရှိတယ်´´
``တင်းပါ့ ဘုရား´´
``မျက်နှာရချင်လို့ လုပ်တာဆိုရင် တစ်ခဏတာ အခွင့်ရေးတော့ ရကောင်းရလိမ့်မယ် ၊
အေး ကုသိုလ်ရချင်လို့လုပ်တာဆိုရင် သံသရာအတွက် ကောင်းတာပေါ့  -  -နော်´´
``တင်းပါ့ဘုရား´´
``ရွေးချယ်မှုဆိုတာ တစ်ခဏတာခံစားဘို့ သက်သက်မဟုတ်သလို တစ်ခုတည်းသောအခွင့်လမ်းလို့ စွဲမထားနဲ့ကွ´´
``ရွေးချယ်မှုကောင်းလို့ တို့ဘုရားလောင်း ပါရမီတွေကောင်းခဲ့တာပေါ့´´

လူနှစ်မျိုး

တစ်နေ့ ရွာထဲမှ ဒါယိကာမတစ်ဦးသည် ဆရာတော်ကျောင်းသို့ဆွမ်းချိုင့်လာပို့စဉ် ကျောင်းထိုင်ဆရာတော်နှင့် ထွေရာလေးပါး စကားများပြောနေကြလေ၏။
``စီးပွားရေးလုပ်ရတာ အဆင်ပြေကြရဲ့လားကွဲ့´´
``တင်းပါ့   မဆိုးပါဘူးဘုရား´´
``အေး  အေး  သမ္မာအာဇီဝကျကျ ကြိုးစားကွဲ့ ၊ ကြားလား´´
``တင်းပါ့ဘုရား ၊ အတတ်နိုင်ဆုံးကြိုးစားနေပါတယ်ဘုရား´´
``သာဓုကွယ်  သာဓု   သာဓု´´
``ဒါနဲ့  ဒကာမကြီးသားလေးရော  ၊  အလုပ်တွေကို လက်လွှဲလို့ရပြီလား´´
``မထင်ပါနဲ့ဘုရား  ၊  အိမ်ကအလုပ်တွေဝါသနာမပါဘူး  ၊  အရင်းနှီးထုပ်ပေးပါဆိုလို့ ပေးလိုက်မိတယ် ဘုရား ၊ အကုန်သုံးဖြုံးပြီး ပြန်ရောက်လာတာဘဲ  ဆရာတော်  ၊ တစ်ခါမက  နှစ်ခါမက ဆိုတော့  တပည့်တော်ကတော့  လန့်တောင်လာပြီဘုရား´´
``အင်း  လောကမှာလူနှစ်မျိုးရှိတယ် ဒကာမကြီး ´´
``တင်းပါ့  အမိန့်ရှိပါ ဘုရား´´

     မြင်းခွာရွက်နဲ့တူတဲ့လူက တစ်မျိုး ၊  နောက်ဗူးပင်နဲ့တူတဲ့လူကတစ်မျိုး ပေါ့။

     ဗူးပင်ဆိုတာ စင်ထိုးပေးရင် အပေါ်ကိုတက်တယ်လေ ၊ အေး  မြင်းခွာရွက်ကတော့    စင်ထိုးပေးလဲ မြေကြီးမှာဘဲ ကပ်နေတတ်တယ်။

     လူဆိုတာကလဲ အဲသလိုမျိုးပေါ့  ဒကာမကြီးရယ် ။