``ခေါ . . . ခလော . . .ခေါ . . ခလော . . .ခေါ´´
``ခေါ . . . ခေါ . . . ခလော . . .ခေါ . . . ခလူး . . .ခေါ ´´
စာသင်တိုက်ဆိုတော့ ကြမ်းပြင်ပေါ်တွင် တန်းစီအိပ်ကြရသည်။ ကိုယ့်ဘေးမှာ အိပ်တဲ့ကိုယ်တော် နှစ်ပါးကလည်း ဟိုဘက် ဒီဘက် ပြိုင်ဟောက်နေသည့်အလား။ ကြားထဲမှာ
အိပ်ရသော ကျွန်ုပ်အဖို့ကတော့ အမြဲတမ်း သူတို့အရင် အိပ်တန်းဝင်ရလေ၏။ သို့မှသာ
အိပ်ပျော်ပါသည်။ အမှတ်မထင် တရေးနိုးသော ညများဆိုလျှင် စက်ရုံကြီးတစ်ခုနားသို့
ရောက်နေသည်နှင့်တူတော့၏။ ဟောက်သူက ဟောက် ယောင်ယမ်းအော်သူက အော်
သွားကို ကြိတ်သူက ကြိတ်နှင့် အသံမျိုးစုံလှသည်မှာ တကယ်မြန်မာ့သံစဉ်တွေကိုသာ
ကြားနေရလေ၏။
တစ်ရက်- -
ညနေဘက်တွင် လဘက်သုတ်များစားမိသဖြင့် တော်တော်နှင့် အိပ်မပျော်နိုင်ပေ။
ထုံးစံအတိုင်း ည ( ၁၂ ) နာရီ ကျော်သည်နှင့် အသံစုံ မြန်မာတီးဝိုင်းကတော့ စတင်
လာပေပြီ။
`` ခေါ . . .ခေါ . . . ခလော . . . ခေါ ´´ (ဟောက်သံ)
``အား အင်း ဟာကွာ၊ အင်း ´´ (ယောင်တာ)
``ကျစ် ကျစ် ကျစ် ´´ ( သွားကြိတ်သံ )
``အင်း ပလပ် ပလပ် ´´ ( နှုတ်ခမ်းလျှက်သံ)
သူများတွေ အိပ်ကောင်းလေ ကိုယ်မှာတော့ အိပ်မလို့ စိတ်တိုလေ ဖြစ်နေ၏။
ဟိုဘက်လှိမ့်လိုက် ဒီဘက်လှိမ့်လိုက် အချိန်တွေကုန်နေပါတော့သည်။
`` တန် တန် တန် ´´
( ၃ ) နာရီ ထိုးပါပြီ အိပ်ချင်စိတ်တော့ နည်းနည်းဝင်စပြုလာပါသည်။ အရှိန်ရနေ
သော်လည်း ဘေးနားက ဟောက်သံကြောင့် ခဏခဏ ပျောက်သွားပါတော့သည်။
`` ဟုတ်ပြီ ၊ ဟောက်နေတဲ့အချိန်မှာ တွန်းနှိုးလိုက်ရင် ခန္ဓာကိုယ် အနေအထား
ပြောင်းသွားပြီး ဟောက်သံရပ်သွားလိမ့်မယ်´´
သူငယ်ချင်းဦးဇင်းတစ်ပါးပြောသော စကားကို ကြားယောင်လာမိသဖြင့် ဘေးက
ဟောက်သံပေး ဖျော်ဖြေနေသော ကိုယ်တော်နှစ်ပါးကို အနေအထားရွေ့သွားအောင်
တွန်းလိုက်ပါတော့သည်။ ထိုအခါ `` အင်း ၊ ဟင့် အင်း ´´ ဟုသာငြီးငြူပြီး
ဟောက်သံ ရပ်သွားပါတော့သည်။
သို့မှသာ ကျွန်ုပ်လည်း နှစ်ခြိုက်စွာ အိပ်ပျော်ပါတော့သည်။
`` ခေါ . . . ခေါ . . . ခေါ . . . ခလော . . . ခူး . . ခလော . . ခေါ ´´
No comments:
Post a Comment