ရကြပါစေ အမျှဝေ၏

``ကိုကျော်ရေ ၊ အမျှ အမျှ အမျှပါတော် ၊ ရှင့်အတွက် အမျှပေးဝေပါတယ် ၊သာဓုခေါ်ပါ´´

ရုတ်တရက် အိပ်ယာမှထပြီး အမျှဝေနေသော သမီးဖြစ်သူကို ဖခင်က သေချာကြည့်ပြီး

``သမီး ၊ နင့်ယောက်ျားကိုသတိရပြီး အိပ်မက်မက်နေတာလား´´

``ဟုတ်တယ် အဖေ၊ အကိုက သူ့သားလေးရှင်ပြုပေးတာကို မြင်ချင်တယ်တဲ့ ၊ သားလေး

ကိုရင်ဝတ်တဲ့နေ့မှာ သူ့ကိုသေသေချာချာ အမျှပေးဝေဘို့လဲ တတွတ်တွတ်ပြောနေတာ

လုပ်ပါဦး အဖေရယ် ၊ သမီးဘာလုပ်ရမလဲ´´

``အင်း ၊  ဒါဆို  ဆရာတော်ကို သေချာလျှောက်ထားမှ ၊ သမီးရေ မနက်မှ အရုံဆွမ်းပို့ရင်း

အဖေလျှောက်လိုက်မယ် ၊ ကဲ ကဲ သမီးလေး ပြန်အိပ်လိုက်ဦး´´

-------     -------  --------  -------- -------  ---------  --------- 

 နောက်တစ်နေ့ -   -

``ဆရာတော်ဘုရား ၊ အကြောင်းစုံကတော့ ဒါပါဘဲ´´ဟု ဆရာတော်ဘုရားအား လျှောက်ထားသောအခါ  -  -

``အင်း  ၊ သေသာသွားတယ် ၊ သူ့သားလေးရှင်ပြုမပေးလိုက်ရတာကို စိတ်ထဲမှာ

စွဲလမ်းနေတော့ အခုလိုမကျွတ်မလွတ်ဘ၀နဲ့ဆင်းရဲနေရှာတာ။ သက်ရှိကိုဖြစ်စေ ၊

သက်မဲ့ကိုဖြစ်စေ တစ်စုံတစ်ခုကို စွဲလမ်းစိတ်နဲ့သေမယ်ဆိုရင် ပေတဂတိကိုရောက်

တတ်တယ်။ ဒီတော့ တကာကြီးတို့ အမြန်ဆုံးကုသိုလ်ကောင်းမှုလုပ် အမျှဝေဘို့

လုပ်တော့´´

``တင်းပါ့ ဘုရား´´

-----------  -----------  ----------  ------------  ------------  ------------ 

ခေါင်းရိတ်။

သင်္ကန်းဝတ်။

သရဏဂုံဆောက်တည်။

ထို့နောက်  -  -

ရေစက်ချ အမျှမဝေခင် ဆရာတော်က တရားအနည်းငယ်ဟောလေ၏။

``ဒီနေ့ပွဲက သားရှင်ပြုတဲ့အလှူ ၊ ဒါပေမဲ့ သေသူနဲ့ပတ်သတ်ပြီး အဓိကထားဟောရမယ်။

သတ္တ၀ါတိုင်း နောက်ဆုံးတော့ သေကြရမှာဘဲ ၊ ဒါ့ကြောင့် သေတာအဆန်းမဟုတ်ဘူး ၊

အေး  ဒါပေမဲ့ သေသွားတဲ့နောက်မှာ မကောင်းတဲ့ဂတိတွေကိုရောက်မယ်ဆိုရင် ကိုယ့်အတွက်

ရှုံးတာဘဲ။

---------  ---------  -------- (   .   .   .   .   .   .) --------  ---------  --------

ကိုင်း ဒီနေ့ဟောတဲ့တရားကို အနှစ်ချုပ်ရင် - -

ကိုယ်လဲဘဲ တစ်နေ့သေမယ် ၊ ကိုယ်သေတဲ့အခါမှာ အဲလိုမကောင်းတဲ့ဂတိတွေကို

မရောက်ရအောင် ကြိုတင်ပြီးဒါနကောင်းမှုပြုရမယ် သီလဆောက်တည်ရမယ် ဘာဝနာ

ပွားများရမယ်၊

ပေတဂတိဆိုတာ ကျန်ရစ်ခဲ့တဲ့ မိသားစုက အမျှတန်းပေးဝေမှ ကျွတ်လွတ်နိုင်တယ်၊

အေး  ကျန်ရစ်သူမိသားစုကတော့ ထုံစံအတိုင်း (၇) ရက်ပြည့်ရင် ရက်လည်ဆွမ်းကပ်မယ်၊

နောက် တတ်နိုင်ရင် လပတ်လည် နှစ်ပတ်လည်လုပ်လိမ့်မယ်၊ အဲလိုလုပ်ပေးပြီးရင် ပြီးသွားပြီ

လို့ဘဲသဘောထားမှာ။

သေသောသူ ကြာရင်မေ့ ဆိုတဲ့ဆိုရိုးစကားရှိတယ်မဟုတ်လား။

ကိုယ်ကသေလို့ ပေတဂတိရောက်နေတယ်ဆိုပါဆို သူတို့ကလဲ မေ့နေမယ်ဆိုရင်တော့

ခံပေဦးတော့ ဆင်းရဲတဲ့ဘ၀မှာ ၊ အေး   အရပ်စကားနဲ့ ပြောရရင် ပေတဂတိဆိုတာ

သူများပေးမှ ကောင်းစားရတဲ့ဘ၀ ၊ ခင်ဗျားတို့ စဉ်စားကြပေါ့  အဲလိုဘ၀ကကောင်းရဲ့လား

ဆိုတာ ၊ ´´

`` ဒကာကြီး ကောင်းပါ့မလား ´´

``မကောင်းပါဘူးဘုရား´´

``ကိုယ်သေတဲ့အခါ ကိုယ့်ကုသိုလ်နဲ့ကိုယ် ကောင်းရာဘ၀ရောက်အောင် အခုချိန်ကစပြီး

ကြိုးစားပွားများ အားထုတ်နိုင်ကြပါစေကုန်သတည်း´´

``သာဓု သာဓု သာဓု´´

``ကဲ ရေစက်ချမယ် အားလုံးလိုက်ဆို ´´

--------  ---------  ---------  ----------  ---------  ---------  ---------  ---------

အရှင်ဘုရား  တပည့်တော်များသည်  ကံကိုလည်းကောင်း  ။  …   … ။  …  ….  …။

…..  …….  …….  ……..။ ………  ………  ……..  နိဗ္ဗာန်၏အထောက်အပံ့ ……..  ……….။

အထူးအားဖြင့် လွန်ခဲ့သော (၂) လခန့်က ဘ၀တစ်ပါးသို့ပြောင်းသွားသော

ကိုကျော်အား အစထား   ………    ………..။  ………..  ………… ။ အားလုံးကြားကြားသမျှ

အမျှ အမျှ အမျှ ယူတော်မူကြပါကုန်လော့ ။

``သာဓု သာဓု သာဓု´´

``အားလုံးကြားကြားသမျှ အမျှ အမျှ အမျှ ယူတော်မူကြပါကုန်လော့´´

``သာဓု သာဓု သာဓု´´

``အားလုံးကြားကြားသမျှ အမျှ အမျှ အမျှ ယူတော်မူကြပါကုန်လော့´´

``သာဓု သာဓု သာဓု´´

--------  ----------  ---------- ---------  ---------  ---------- ------ 

``အဖေ  သမီးလေ ညက အိပ်မက်ထဲမှာ ကိုကျော်ကိုတွေ့လိုက်တယ်´´

``ဟေ့  ဟုတ်လား ´´

``ဟုတ်တယ် အဖေ ၊ သူ့မျက်နှာကလဲ ပြုံးလို့ နောက်ပြီးတော့ သူ့ခန္ဓာကိုယ်ကလဲ

အရောင်တ၀င်းဝင်းနဲ့ ၊ ပြီးတော့ သမီးကို နှုတ်ဆက်သွား `ငါနတ်ပြည်သွားရတော့မယ်´တဲ့။

``ဒါဆို နင့်ယောက်ျား ပြိတ္တာဘ၀က ကျွတ်လွတ်သွားပြီဘဲ ၊ အေး  ပြီးတော့မှ အဲဒီအကြောင်းကို ဆရာတော့်သွားလျှောက်ရဦးမယ်´´

ဒါနမပါ ၊ သံသရာ ၊ မျက်နှာငယ်တတ်တယ်။

ဒါနရိက္ခာ ၊ ပါသူမှာ ၊ မျက်နှာလွန်တင့်တယ်။

(ကာယကံရှင်၏ အမည်ရင်းကို ပြောင်းလဲထားပါသည်)