မပြောသာလို့ လှည့်ပြန်ခဲ့ရပါသည် စိတ်ထဲမှာတော့ သိပ်မကျေနပ်ပေ။ အသက်ငယ်တာ
တစ်ချို့နေရာမှာကောင်းပေမဲ့ ဒီနေရာမှာတော့ တော်တော်ကို ခံရခက်လှသည်။``ဘယ့်နဲ့ ဗျာ
ဆွမ်းခံအိမ်မရှိလို့မှ ဘုံလောင်းတိုးပါတယ်ဆိုနေမှ´´။
ကိုရင်လေးစိတ်ထဲမှာ အခဲမကျေဖြစ်ခဲ့တာ လေးပါ။ ဖြစ်မယ်ဆိုလဲ ဖြစ်ချင်စရာပါဘဲ။
မန္တလေးရောက်တာမှ (၁) ကျော်ရုံသာရှိသေးသည်။ ဆွမ်းခံအိမ်မရှိသဖြင့် မနက်စောစောထ
ဘုံလောင်းတိုးရသည်မှာ မန္တလေးစာသင်သားထုံးစံတစ်ခု ၊ ` ဘုံလောင်းမှ မတိုးဘူးလျှင် မန္တလေး စာသင်သားမပီသ´ ဟုပင်ပြောရမလိုဖြစ်၏။
တကာမကြီးတစ်ယောက် ဒယ်အိုးကြီးတစ်လုံးရှေ့မှာချလို့ ကိုယ်တော်တွေ ဆွမ်းလောင်နေ
တာမြင်လိုက်ရတော့ ၀မ်းသာသွားသည်။ ကိုယ့်ရှေ့မှာ သံဃာတွေလဲသိပ်မများသေးတော့
ဒီဟင်းတစ်ခွက်တော့ သေချာပေါက်ရမှာကို တွက်ဆပြီး သံဃာတော်များနောက်မှ တန်းစီကာ
ဟင်းကိုခန့်မှန်းကြည့်လိုက်သည်။
``ဘာဟင်းတွေပါလိမ့် ၊ ဥုံဖွ ခရမ်းသီးတွေက လွှဲပါစေ ၊ ဘုရားသိကြားမ လို့ ၀က်သား
ဖြစ်ပါစေဗျာ´´
ရှေ့မှာ ကိုယ်တော် နှစ်ပါးသာကျန်တော့သည် ထို့ကြောင့် ဟင်းကိုလဲ မြင်နေရပါပြီ ၊ထင်ထား
သလို ၀က်သားတော့မဟုတ် ၊ ငါးပိကြော်တွေ။ ပိုအဆင်ပြေတာပေါ့ မကုန်ရင် နောက်ရက်
အတွက် ထားလို့ရတယ်လေ။ ဒီလိုနှင့် တစ်ပါးပြီးသွားပြီ ၊ နောက်ထပ်တစ်ပါး ။
ဟော - - - ရောက်ပါပြီကိုယ့်အလှည့် ၊
မျက်လွှာချလို့ သမဏသာရုပ္ပဖြစ်အောင်နေပြီး သပိတ်ဖုံးလေးကို အသာဖွင့်
ကာ ဆွမ်းလောင်းမည့်နေရာ ရှေ့တည့်တည့်သို့ရပ်နေလိုက်သည်။
``ကိုရင်လေး ၊ ကန်တော့ဆွမ်းပါဘုရား ´´
( ဂျိန်း တ လိန်းလိန်း ဒိန်း ) ခေါင်းပေါ် ကို မိုးကြိုးပစ်ချလိုက်သလို ဘယ်လိုမှထင်မှတ်မထား
သောအခြေနေ။ ခေါင်းကိုမော့လို့ အသာလေးလှည့်ကြည့်လိုက်သည်။
``ကိုရင် ၊ ကန်တော့ဆွမ်းလို့ပြောနေတာမကြားဘူးလား ၊ တစ်ခါတည်းပြောလိုက်မယ် ၊
နောက်ရက်တွေလဲ ကန်တော့ဆွမ်းပါဘုရား´´ခပ်တိုတို ခပ်ပြတ်ပြတ်ပြောလိုက်လေသည်။
စဉ်းစားလို့သာကြည့်ကြပါတော့ဗျာ ၊ သံဃာတော်တွေအများကြီးကြားထဲမှာ သူများတွေကို
တော့ လောင်းလှူပြီး ကိုယ့်ကျမှ ကန်တော့ဆွမ်းဆိုတော့ ၊ မရှက်တမ်းပြောရရင် အားငယ်
ပြီးတော့ ငိုချင်သလိုလို၊ ဒါပေမဲ့ မျက်ရည်မကျအောင်တော့ ထိန်းထားနိုင်ခဲ့ပါတယ်။
ရင်ထဲမှာတော့ မျက်ရည်မိုးတွေ ရွာခဲ့တယ်ပေါ့ဗျာ။ မကျေနပ်မှုတွေနဲ့အတူ စိတ်ထဲမှာ ကြုံး
ဝါးမှုတွေ ဖြစ်ပေါ်ခဲ့ပါသည် ``နောင်တစ်ချိန် ငါဟာ နာမည်ကြီး ဓမ္မကထိကကြီးဖြစ်ရင်
ခင်ဗျားတို့အကြောင်းကို တစ်နိုင်ငံလုံးသိအောင် ဟောပြလိုက်မယ်´´။
ကလေးသဘာဝကိုး ဘယ်တတ်နိုင်ပါမလဲ၊ ရိုင်းတယ်ဘဲဆိုဆို မိုက်တယ်လို့ဘဲပြောပြော
ရင်ထဲမှာဖြစ်ခဲ့တာကို အမှန်တိုင်းပြောပြတာပါ။
ဒီလိုနှင့် ရက်ကို လစား လကိုနှစ် စားလို့ ရာသီဥတုတွေ အလီလီပြောင်းခဲ့ပါပြီ ၊ စာသင်သား
တို့တာဝန်ဖြစ်တဲ့ စာကျက်စာအံ့ လုပ်လို့ ကြိုးစားလိုက်တာ ယခုတော့ ပထမကြီးတန်းအောင်
ပြီး တကယ်ကိုထွားကြိုင်းသန်မာတဲ့ ကိုရင်ကြီးတစ်ပါးဖြစ်ခဲ့ပြီလေ။ နေလာခဲ့တာကလဲ အချိန် တွေကြာလာပြီဆိုတော့ တည်တည်ငြိမ်ငြိမ်နဲ့ ထိုင်ကိုယ်တော်ဘ၀ရောက်ခဲ့ပါပြီ။
ထို့ကြောင့် ဓမ္မာစရိယတန်းအတွက် နောက်ထပ် ပညာသင်လို့အဆင်ပြေမဲ့ ကျောင်းတစ်
ကျောင်းကို ရှာပြီး ပြောင်းရွှေ့ ရပါတော့သည်။ ၀ါတွင်းကာလ ရောက်လို့ စာဝါတွေလဲစတင်
လိုက်နေရပါပြီ ။ နေရာအသစ်မှာ အပေါင်းသင်း အသစ်တွေ အမြင်သစ်တွေနဲ့ တကယ်ကို
ပျော်ရွှင်ကြည်နူးမိပါသည်။
မှတ်မှတ်ရရ တော်သလင်းလပြည့်နေ့။
ဝါတွင်းကာလ လပြည့်လကွယ်ဆိုရင် ဘုံဆွမ်းလောင်းသူ အများဆုံးနေ့များဖြစ်၏။
ထို့ကြောင့် သူငယ်ချင်းများစုပြီး ဘုံလောင်းတိုးရန်စီစဉ်ထားကြလေ၏။ မနက် သုံးနာရီ
ခွဲသည်နှင့် အိပ်ယာထ မျက်နှာသစ် သင်္ကန်းရုံ သပိတ်ပိုက်ကာ ငါးပါးပေါင်ပြီး သွားခဲ့
ပါသည်။
ဒုတိယမ္ပိ နောက်ထပ်တစ်ကြိမ် `ရာသက်ပန် ကန်တော့ဆွမ်း´ လောင်းခဲ့သောနေရာသို့
ရောက်လာပြန်ပါတော့သည်။သို့ပေမဲ့ ထိုဆွမ်းဟင်းကိုတော့ သွားရောက်မခံယူဖြစ်တော့ပါ။
စိတ်နာနေလို့လားဟုမေးလျှင် လုံးဝ(လုံးဝ) မဟုတ်ပါ။ အကြောင်းမှာ - ကိုယ်တော်တစ်ပါးက
လာရောက်သတိပေးသောကြောင့်ဖြစ်၏။
သူပြောပုံက ``ကိုယ်တော်တို့ အဲဒီဘက်ကို မသွားနဲ့ ၊ စိတ်ဆင်းရဲလိမ့်မယ်´´
``ဘာဖြစ်လို့လဲ အရှင်ဘုရား´´
``အဲဒီ ဘုံလောင်းက ကိုရင်ငယ်တွေကိုဘဲ သီးသန့်လောင်းတာတဲ့´´
ဟုတ်ပါသည် သူပြောမှ သေချာကြည့်မိသောအခါ ကိုရင်လေးတွေသာ ရှိ၏ ၊ အကြီးဆိုလို့
တစ်ပါးမှ မတွေ့ရပေ။
နောက်မှ ဖြစ်ရပ်မှန်ကိုသိရပါတော့သည်။ ဖိုးတောများ ( တောထွက် ကိုယ်တော်ကြီးများ )က
နှစ်ခါ သုံးခါ ပြန်လည်ခံယူသောကြောင့်ဖြစ်၏။ သို့ဆိုလျှင် ကျွန်ု ငယ်စဉ်ကကြုံခဲ့တာကရော
ကိုရင်ငယ်လေးများ ထိုကဲ့သို နှစ်ပြန် သုံးပြန်ပြီး ခံတတ်သောကြောင့်များဖြစ်လေမလား။
ဒါပေမဲ့ - - ကျိန်ပြောဝံ့ပါသည် ဆွမ်းခံစားခဲ့သည့် ကာလတစ်လျှောက်လုံး နှစ်ခါပြန်တိုးခဲ့
သော အပြုမူမျိုးကို တစ်ကြိမ်တစ်ခါမျှ မလုပ်ဖူးပေ။
သေချာသည်ကတော့ ကံဆိုးသူသည် ကျွန်ုပ်သာဖြစ်ပါလိမ့်မည်။ ကိုရင်လေးဘ၀မှာတုန်းကလဲ ကန်တော့ဆွမ်း အခုအရွယ်ရောက်သော်လဲ ကန်တော့ဆွမ်း ။ ။ ။
အော် - - - - ဒါ့ကြောင့် ပြောကြတာကိုး ။
``ကံစမ်း မန်းတက် ၊ ဥာဏ်စမ်း ဆန်းတက်´´ တဲ့။
No comments:
Post a Comment