ည ( ၉ ) နာရီထိုးလို့ ညစာအံကျောင်းဆင်းပြီဖြစ်သောကြောင့်
ကိုရင် ဦးဇင်းများအားလုံး
မိမိတို့
စာအုပ်များယူ၍ နေရာအသီသီးသို့
ပြန်သွားရန် ထသူထ သင်္ကန်းပြင်ဝတ်သူက
ဝတ်လို့နေစဉ် ဆရာတော်မှ
- -
- -
``ဟေ့ တိက္ခ´´
``ဘုရား´´
ကိုရင်တိက္ခ
သင်္ကန်းကိုပြန်ဝတ်ပြီး ဆရာတော်ခေါ်တာကို ပြန်လျှောက်လိုက်လေ၏။ ဒီအချိန်
ခေါ်လိုက်ပြီဆိုရင် တိက္ခ သဘောပေါက်ပါပြီ။ ဆရာတော်ကို ၀တ်ဖြည့်ရန်ဖြစ်သည့်အတွက်
မိမိတစ်ပါးတည်းမဟုတ်ဟုလည်း
တွေးလိုက်မိပါသည်။ အတွေးပင်မဆုံးလိုက်သေးခင်မှာ
``အေး ၊
မောင်စန် ( ကိုရင်စန္ဒိမာ )တို့ ကုသလတို့ရောခေါ်ခဲ့ကွ ၊ လေးပါးပြည့်သွားအောင်
ရှမ်းကြီးကိုပါခေါ်လိုက်´´
``တင်းပ ဘုရား´´
ဆရာတော်ထိုကဲ့သို့မိန့်ပြီး
အခန်းတွင်းသို့ ကြွသွားလေ၏။ မိမိတို့လေးပါးလည်း နောက်မှ
တစ်ပါတည်းလိုက်သွားရပါသည်။
ဆရာတော်သည်
နှိပ်ပေးနေသော်လည်း မှိန်းပြီးဇိမ်ခံလေ့မရှိပေ။ တစ်ခုခုတော့ မေးတတ်
သည်ကို
အားလုံးကသဘောပေါက်နေသဖြင့် တိက္ခမှာလဲ
နှိပ်သာပေးနေရသည် မရသေး
တာတွေလာမေးနေရင် ဒုက္ခဟု
ရင်တမမနှင့်သာ။
``မင်းတို့ ရုပ် ၂၈ ပါး
အလွတ်ရသေးလား´´
ဟိုးမူလတန်းကတည်းက
သင်ခဲ့ရသောစာများဖြစ်သဖြင့် မေ့နေမည်ထင်လို့ `အလွတ်ရသေး
လား´ ဟုမေးခြင်းဖြစ်ပါသည်။
ဒါကလဲ စာသင်သားတို့ အကျင့်ဟုပင်ပြောရမယ်ထင်ပါသည်။
စာတွေများတော့လဲ
တစ်ချို့တစ်လေတော့ မေ့တတ်တာပေါ့။ ထို့ကြောင့်လဲ စာချဆရာတော်
က ` မင်းတို့တွေ
တက်ထိုးတော့မလုပ်ကြနဲ့ဟေ့´ ဟု အမြဲတမ်း သြ၀ါဒပေးလေ့ရှိပါသည်။
`တက်ထိုး´ ဆိုတာ
တစ်ခြားတော့မဟုတ်ပေ။ စာဝါတက်ပြီး စာကိုပြန်မကြည့်ဘဲ ချောင်ထိုး
( ဂျောင်ထိုး )
ထားသည့်အတွက် ပြောခြင်းဖြစ်ပါသည်။
စာချဆရာတော်ရဲ့
လက်သုံးသြ၀ါဒ နောက်တစ်ခုရှိပါသေးသည်။ `ထုံပေ
လုံပေ နပစ္စတိ´
တဲ့။ မြန်မာပြန်ရင်တော့ ` ထုံပေ - ငါးပိကို ၊ လုံပေ
- လုံး၍ဖုတ်သည်ရှိသော် ၊ နပစ္စတိ -
အလယ်က မကျက်´ ဘယ်ကနေ
ဆင်းသက်လာသည်တော့မသိပေ။ မကြာခဏပြောခံရ
လွန်းသောကြောင့်
မှတ်မိနေခြင်းဖြစ်ပါသည်။
ခုလဲ ဆရာတော်က
မိမ်ိတပည့်တွေရဲ့ အရည်ချင်းကို
သိလို့ထိုကဲ့သို့ မေးလိုက်ခြင်းဖြစ်ပါ
လိမ့်မည်။ နာမည်ခေါ်ပြီး မမေးသည့်အတွက် ဘယ်သူမှ မလှုပ်ပေ။
ဒါလဲ ဖြစ်လေ့ဖြစ်ထရှိ
တဲ့ ဖြစ်စဉ်လေးတစ်ခုပါဘဲ။
နာမည်တပ်ခိုင်းမှသာ အခိုင်းခံရတဲ့လူက
လုပ်ပါသည်။ ထိုသို့
မဟုတ်ရင်တော့ သူလိုလို
ကိုယ်လိုလိုနဲ့ ဘယ်သူမှမလုပ်ဖြစ်ပေ။
ထို့နောက် ဆရာတော်က -
- - -
``ဟေ့ ရှမ်းကြီး ဆိုကြည့်စမ်းကွ´´
`` မဟာဘုတ် ( ၄ ) ပါး ၊
ဥပါဒါရုပ် ( ၂၄ ) ပါး ၊ ပေါင်း ( ၂၈ ) ပါး´´
``ဟာ ၊ အကျယ်ကိုဆိုခိုင်းတာဟ
ကိုရင်ရ၊ မင်းမရလောက်ပါဘူး ၊ တိက္ခ ဆိုစမ်း´´
``မဟာဘုတ် ( ၄ ) ပါး ၊
ပသာဒရုပ် ( ၅ ) ပါး ၊ ဂေါစရရုပ် ( ၄ ) ပါး၊ ဘာဝရုပ် ( ၂ )ပါး၊
ဟဒယရုပ် ( ၁ )ပါး ၊ ဇီဝိတရုပ် ( ၁) ပါး၊ ပရိစ္ဆေဒရုပ် ( ၁ ) ပါး၊ ၀ိညတ်ရုပ် ( ၂ ) ပါး ၊
ဝိညတ်ရုပ် ၀ိညတ်ရုပ် အင်း ……………. ၀ိညတ်ရုပ် (
၂ )ပါး အင်း ………. ´´
``ဟာ့ ကောင်ကြီး
မရတော့ဘူးလားဟ ၊ ကဲ အားလုံးပေါင်း ဘယ်လောက်ရှိသွားပြီလဲ´´
အဲဒါမှ ဒုက္ခ ။ သေချာမမှတ်ခဲ့ပေ။ သေချာမှတ်မိအောင်
လက်ချိုးပြီး ရေတွက်ရပါတော့
သည်။ ``မဟာဘုတ် …… ….. …… …….. …….. ၀ိညတ် …. … ´´
နှိပ်ပေးရင် ရေတွက်
ရတာဆိုတော့ အဆင်မပြေပေ။
``ဟေ့ တိက္ခကြီး ၊
ဒီအရွယ်ရောက်ပြီ လက်ချိုးရေတွက်ရတုန်းဘဲလားဟ
၊ နှုတ်နဲ့တွက်
စမ်းပါကွ ၊ မင်းကလဲ ´´
``တင်းပဘုရား ၊ မှား
မှားသွားလို့ပါဘုရား ´´
``အို ၊
ဒီကောင်ကြီး ၊ အတန်းကျောင်းမလိုက်ခဲ့ဘူးလား´´
``တင်းပ ၊
လိုက်ဖူးပါတယ်ဘုရား´´
``ဘယ်အတန်းထိရောက်လဲကွ´´
``၃ တန်းပါဘုရား´´
``ဟေ့ ၊ ဟုတ်လား´´
``မောင်စန်ရော
ဘယ်အတန်းထိရောက်ခဲ့လဲ´´
``တပည့်တော် ( ၈ )
တန်းအထိပါဘုရား´´
``ကုလသကြီးရော´´
``တပည့်တော်လဲ ( ၈ )
တန်းအထိပါဘုရား´´
``ရှမ်းကြီးကရောကွ´´
``တပည့်တော်က ( ၅
)တန်းအထိပါဘုရား´´
``ဟေ့ ၊
ဒါဆို တိက္ခကြီးက အနည်းဆုံးပေါ့ကွ ဟုတ်လား ၊ မင်းတို့ရွာမှာ ကျောင်းမရှိလို့
လားဟ၊ ´´
``ရှိပါတယ်ဘုရား ´´
``ဒါဖြင့် ဘာလို့
ဆက်မတက်တာလဲကွ´´
``တပည့်တော်
စိတ်မပါတော့လို့ပါဘုရား´´
``ဟေ ၊ ဒီကောင်ငပျင်းကြီးပဲကွ ၊
ငယ်ငယ်ရွယ်ရွယ်နဲ့ကို ပျင်းတဲ့ကောင်ပါလား´´
``မဟုတ်ပါဘူးဘုရား ၊
ငယ်ငယ်ရွယ်ရွယ်နဲ့ ပါရမီကောင်းခဲ့လို့ပါဘုရား´´
``အမယ် ၊ မင်းက
ဘယ်လိုပါရမီကောင်းခဲ့တာလဲ၊ လုပ်စမ်းပါဦးကွ´´
``တပည့်တော်က
အဲဒီအရွယ်ကတည်းက ဒီစာတွေဟာ နိဗ္ဗာန်ရောက်ကြောင်းမဟုတ်ဘူး
ဆိုတာ သိလိုက်ရတဲ့အတွက်
စောစောစီးစီးကျောင်းထွက်ပြီး ကိုရင် ၀တ်ခဲ့တာပါဘုရား´´
ဘယ်လိုပဲဖြစ်ဖြစ်
တိက္ခရဲ့ ဇကိုတော့ လျှော့လို့မဖြစ်ပေ။ ခပ်တည်တည် ရွှီးထည့်လိုက်ပါသည်။
ထိုစကားကြားတော့
ဆရာတော်ပင် မနေနိုင်တော့ ဟက်ဟက် ပက်ပက်ရယ်ပြီး
- - -
`` သြော် ငါ့မှာလဲ
အလောင်းလျာလေး တစ်ပါးကို ဖူးနေရတာပါလား ၊ မောင်စန်ကြီး ´´
``ဘုရား ´´
``တိက္ခကြီး ဘာအလောင်းလျာလို့ထင်လဲကွ´´
``တင်းပ ၊
မသာလောင်းဖြစ်မယ်ထင်ပါတယ်ဘုရား´´
``အေး အေး ၊ ဟုတ်မယ်ကွ
ဟုတ်မယ် ၊ အေး အေး ၊ မင်းတို့သွားနားကြတော့´´
ကိုရင်တိက္ခတို့လဲ
တံခါးတွေပိတ်ပြီး အပြင်ထွက်မယ်လုပ်သောအခါ ဆရာတော်က အခန်းထဲ
မှနေပြီး
သတိပေးလိုက်ပါသေးသည်။
``ဟေ့ ၊ အလောင်းလျာလေးကို
သေချာဂရုစိုက်ကြဟေ့´´
No comments:
Post a Comment